चाडपर्वको रौनकसँगै किनमेल गर्ने ग्राहकलाई राहत दिने उद्देश्यले सेन्ट्रल बजारले विभिन्न आकर्षक छुट तथा विशेष मूल्यसहितको चाडपर्व विशेष अफर सार्वजनिक गरेको छ । दर्शकबृन्द , असोज २४ गतेदेखि कात्तिक ३ गतेसम्म सञ्चालन हुने यस अफरमा दैनिक उपभोग्य खाद्यान्न, तेल, चामल, दाल, पेय पदार्थ, कस्मेटिक, गार्मेन्ट, जुत्ता, घडी तथा मोबाइल एसेसरीजलगायत विभिन्न सामग्रीमा छुटको व्यवस्था गरिएको छ ।
चाडपर्वका बेला घरायसी खर्च बढ्ने अवस्थालाई ध्यानमा राख्दै सेन्ट्रल बजारले दैनिक भान्सामा आवश्यक पर्ने खाद्यान्न तथा उपभोग्य सामग्री विशेष मूल्यमा उपलब्ध गराउने जनाएको छ । अफरअन्तर्गत चिनी प्रतिकेजी ९९ रुपैयाँमा खरिद गर्न सकिनेछ । उक्त मूल्यमा एक ग्राहकले अधिकतम दुई केजीसम्म चिनी खरिद गर्न पाउने व्यवस्था गरिएको छ । त्यसैगरी, बाबा सनफ्लावर तेल एक लिटरको २७९ रुपैयाँ, घैला मस्टर्ड आयल एक लिटरको ३१९ रुपैयाँ र बाबा कच्ची घानी तेल एक लिटरको २९५ रुपैयाँ निर्धारण गरिएको छ ।
दर्शकबृन्द , त्यस्तै, डीडीसी घिउ एक लिटरको १ हजार १२९ रुपैयाँ, स्वस्तिका आटा पाँच केजीको ३४९ रुपैयाँ र ओखर गोटा आधा केजीको २७९ रुपैयाँमा उपलब्ध हुनेछ । चामल खरिद गर्ने ग्राहकका लागि पनि विशेष मूल्य राखिएको छ । कृष्णभोग जिरा मसिनो र ज्ञान सोल्टी जिरा मसिनो चामलको २५ केजीको प्याकेट २ हजार ४४९ रुपैयाँमा खरिद गर्न सकिनेछ ।
यस्तै दाल तथा गेडागुडीमा समेत ग्राहकले विशेष मूल्यको लाभ लिन सक्नेछन् । चना प्रतिकेजी १४९ रुपैयाँ, चना दाल १६९ रुपैयाँ, मसुर दाल १२९ रुपैयाँ, रहर दाल २३९ रुपैयाँ, मास कालो दाल २१९ रुपैयाँ र मुंग दाल प्रतिकेजी १८९ रुपैयाँमा उपलब्ध हुने बजारले जनाएको छ । दैनिक उपभोग्य सामग्रीमा राखिएको यस्तो मूल्यले चाडपर्वका लागि घरायसी सामानको जोहो गर्ने ग्राहकलाई सहज हुने अपेक्षा गरिएको छ ।
खाद्यान्नसँगै पेय पदार्थमा पनि विशेष अफर ल्याइएको छ । पेप्सी, सेभेन अप र मिरिन्डाको २.२५ लिटरको बोतल प्रतिगोटा २१९ रुपैयाँमा उपलब्ध हुनेछ । यसले चाडपर्वमा पाहुनाको सत्कार तथा पारिवारिक जमघटका लागि पेय पदार्थ खरिद गर्ने ग्राहकलाई आकर्षित गर्ने देखिन्छ ।
यसैगरी, कस्मेटिक, गार्मेन्ट तथा जुत्तामा पनि छुटको व्यवस्था गरिएको छ । प्लम्प र एनकी कम्पनीका कस्मेटिक सामग्रीमा १० प्रतिशत छुट उपलब्ध हुनेछ भने गार्मेन्टमा १० देखि ३५ प्रतिशतसम्म छुट दिइनेछ । जुत्तामा १० प्रतिशत छुटको व्यवस्था गरिएको छ । त्यसैगरी, Century र बर्लिनो मसालामा २० प्रतिशत छुट उपलब्ध हुने जनाइएको छ ।
सेन्ट्रल बजारले स्न्याक्स, नुडल्स तथा अन्य सामग्रीमा पनि विशेष छुट समेटेको छ। २ PM स्न्याक्स तथा नुडल्समा २० प्रतिशत छुट, घडीमा १० देखि २० प्रतिशतसम्म छुट, मोबाइल एसेसरीजमा १५ प्रतिशत छुट र जोय स्याम्पुमा १५ प्रतिशत छुट उपलब्ध हुनेछ। लुगाहरूमा समेत १० प्रतिशत छुटको व्यवस्था गरिएको छ ।
चाडपर्वको समयमा खाद्यान्नदेखि लत्ताकपडा र व्यक्तिगत प्रयोगका सामग्रीसम्मको माग बढ्ने भएकाले विभिन्न वर्गका ग्राहकलाई लक्षित गर्दै अफर सार्वजनिक गरिएको हो। एउटै बजारबाट दैनिक आवश्यकताका सामग्रीदेखि फेसन तथा अन्य उपभोग्य वस्तुसम्म खरिद गर्दा छुटको लाभ लिन सकिने भएकाले यो अफरले ग्राहकको चाडपर्वको किनमेललाई थप आकर्षक बनाउने अपेक्षा गरिएको छ।
सेन्ट्रल बजारको यो विशेष अफर असोज २४ गतेदेखि कात्तिक ३ गतेसम्म मात्र लागू हुनेछ। त्यसैले छुट तथा विशेष मूल्यको लाभ लिन चाहने ग्राहकले तोकिएको अवधिभित्र बजारमा पुगेर सामग्री खरिद गर्न सक्नेछन् ।
