उत्तरपूर्वी भारतमा मुसलधारे वर्षापछि आएको भीषण पहिरोमा परी तीन सैनिकको मृत्यु हुनुका साथै अन्य छ जना बेपत्ता भएको भारतीय सेनाले सोमबार जनाएको छ ।
आइतबार साँझ ७ बजे नेपाल र चीनसँग सीमा जोडिएको हिमाली राज्य सिक्किममा अवस्थित एक सैनिक शिविरमा भारी वर्षापछि आएको पहिरोले आक्रमण गर्दा ३ सैनिकको मृत्यु भएको हो। भारतीय सञ्चार माध्यमका अनुसार उनीहरूको शव भेटिइसकेको छ।
चार जनालाई मलबामुनिबाट जीवितै उद्धार गरिएको छ, जसलाई सामान्य चोटपटक लागेको छ। तर ६ जना सैनिक अझै बेपत्ता छन् र खोज तथा उद्धार कार्य जारी छ।
